In occasione dell’Epifania passnews.it vuole portare in dono a tutti i lettori un personalissimo augurio in versi
Manco l’avimme ancora scoperchiato
che l’anno nuovo già s’è presentato!
Aria e disgrazie, chiacchiere già vecchie,
l’artiglieria de a guerra sisca ancora dinte e recchie,
‘o scuorno de macerie abballa annanze all’uochie,
‘o fummo abbrustuluto de a miseria, pogne ‘o naso e a vocca
e a capezza e chi vò avè ragione sempe allucca.
Storie ca veneno a luntano,
chi ossape che ce porta sta Befana!
Puortace nu suonno ca se fa speranza,
ca se addemena pe’ vuttà annanze ‘o core
e a chi tene e panni stretti nun o rimmanè fore.
Tienece luntano de a zella assai sospetta
puortace tutta a ciorta ca ce spetta.
Salute, pace, ammore, tanta felicità,
ma po’ na cosa e soldi che fai, nun ce a vuò dà?!
Dell’umana bassezza nun ce fa l’inventario,
rigalace na goia che se appiccia dinte ‘o pietto,
chist’anno po’ ricorre ‘o centenario,
e allora fosse pure pe’ dispietto,
overo nun ce ‘o dai n’atu scudetto?!
Sal Scherillo
